Einstaklega gott og næringarríkt kartöflusalat sem er gott meðlæti með öllum mat, sérstaklega grillmatnum.
Þessi uppskrift er unnin í samstarfi við Hagkaup þar sem þú færð allar vörurnar sem ég er að nota.
Innihald:
800 g kartöflur
180 g grísk jógúrt
2 msk sinnep frá Svövu
2 msk hunang
safi úr einni sítrónu
hálfur skallottlaukur 50 g
2-3 litlar súrar gúrkur 130 g
hálft granatepli 80 g
150 g grillostur frá MS
ferskt dill eftir smekk niðurskorið
salt og pipar
Þú byrjar á því að sjóða kartöflurnar í um 20 mínútur og kæla þær svo. Á meðan er innihaldsefnunum blandað saman í skál, laukurinn skorinn smátt niður ásamt súru gúrkunum og dillinu. Vatninu er svo hellt af kartöflunum og þær látnar kólna örlítið. Skornar í hæfilega bita og þeim blandað út í skálina. Grillosturinn er rifinn niður með rifjárni og hann svo grillaður á pönnu, fínt að grilla hann í tveimur hollum á pönnunni svo hann festist ekki allur saman. Í lokin er grillaða grillostinum blandað saman við salatið og gott að skilja smá eftir af bæði grillosti og granatepla fræjum til að skreyta salatið með.
Næring í 100 g
Kolvetni: 16,4 g
Prótein: 5 g
Fita: 4,2 g
Trefjar: 1,8 g
Smelltu hér til þess að sjá TikTok myndband af því hvernig ég bjó réttinn til.
Þú finnur þessa skráningu í Myfitnesspal appinu með því að leita að: Helga Magga eða Sumarlegt kartöflusalat.
Endilega láttu mig vita ef þú prófar þessa uppskrift með því að tagga mig á instagram @helgamagga
Comments