Ótrúlega góður fiskréttur sem hentar vel þegar þú ert að bjóða fólki í mat. Ég myndi klárlega mæla með hvítvíni með þessum rétti í kvöldsólinni.
Þessi uppskrift er unnin í samstarfi við Hagkaup þar sem þú færð allar vörurnar sem ég er að nota.
Ég notaðist við frosna ýsu frá Norðanfiski.
![](https://static.wixstatic.com/media/39feb6_c7fe372bd7534ba4bfcf735088840c38~mv2.jpg/v1/fill/w_980,h_1378,al_c,q_85,usm_0.66_1.00_0.01,enc_auto/39feb6_c7fe372bd7534ba4bfcf735088840c38~mv2.jpg)
Innihald
700 - 800 g ýsubitar
2 msk ólífuolía
1 laukur
2-3 hvítlauksrif
2 box litlir tómatar
1 krukka kapers
1 msk oregano
2 öskjur ólífur
fiskikrydd frá Mabrúka
salt og pipar
fersk steinselja
Ég lét fiskinn þiðna, það tekur stutta stund um 1 klst. Þú byrjar á því að skera laukinn og hvítlaukinn smátt niður og steikja upp úr olíunni. Svo bætir þú kapers og tómötunum út á pönnuna ásamt smá oregano kryddi og lætur þetta eldast á miðlungs hita í um 10 -15 mínútur eða þar til tómatarnir eru farnir að mýkjast, gott að setja lok á pönnuna ef þú átt það til. Ólífunum er svo bætt út á pönnuna og það er smekksatriði hvort þú setur olíuna af þeim með eða ekki. Þú lætur þetta svo eldast áfram á meðan þú kryddar fiskinn.
Fiskurinn er kryddaður á báðum hliðum með salti, pipar og fiskikryddinu frá Marbrúka. Fiskinum er svo raðað efst á pönnuna ásamt ferskri steinselju og eldað í um 12-15 mínútur á miðlungs hita.
Á meðan fiskurinn er að eldast er tilvalið að sjóða hrísgrjón og útbúa ferskt salat eða jafnvel hita hvítlauksbrauð. Gott að kreista smá sítrónu yfir í lokin.
Smelltu hér til þess að sjá TikTok myndband af því hvernig ég bjó réttinn til.
Endilega láttu mig vita ef þú prufar þessa uppskrift með því að tagga mig á instagram @helgamagga
ความคิดเห็น