Ef þú ert að leita að leið til að nýta þroskaða banana þá er þetta akkúrat uppskriftin sem þú þarft. Þessir bitar eru svo sniðugir fyrir krakkana í nesti á námskeiðin í sumar, á fótboltamótin og því gott að hafa bitana sem orkuríkasta. Bananabitarnir eru líka frábært millimál fyrir alla.
Þessi uppskrift er unnin í samstarfi við Hagkaup þar sem þú færð allar vörurnar sem ég er að nota.
![](https://static.wixstatic.com/media/39feb6_ab2d37d9cf114d44881de095cdbfe0d4~mv2.jpg/v1/fill/w_980,h_1307,al_c,q_85,usm_0.66_1.00_0.01,enc_auto/39feb6_ab2d37d9cf114d44881de095cdbfe0d4~mv2.jpg)
Innihald:
2 þroskaðir bananar 230 g
200 g haframjöl
30 g hnetusmjör
30 g akasíuhunang
1 tsk matarsódi og smá salt
200 g grísk jógúrt
100 ml léttmjólk
súkkulaðidropar eftir smekk, (ég setti 20 g ofan á).
Bananarnir eru stappaðir og svo er öllum innihaldsefnunum blandað saman í skál. Súkkulaðidroparnir eru settir ofaná í lokin en það má einnig blanda þeim við deigið.
Ef þú vilt lækka fitumagnið í uppskriftinni og hækka próteininnihaldið er hægt að setja hreint skyr í stað jógúrtarinnar og jafnvel blanda próteindufti út í deigið.
Bakað við 180 gráður í 40 mínútur.
![](https://static.wixstatic.com/media/39feb6_a025edf635ad453d92bee356b79e7b92~mv2.jpg/v1/fill/w_980,h_458,al_c,q_85,usm_0.66_1.00_0.01,enc_auto/39feb6_a025edf635ad453d92bee356b79e7b92~mv2.jpg)
Næring í 100 g
Kolvetni: 33,8 g
Prótein: 7,4 g
Fita: 8,3 g
Trefjar: 3,6 g
Smelltu hér til þess að sjá TikTok myndband af því hvernig ég bjó réttinn til.
Þú finnur þessa skráningu í Myfitnesspal appinu með því að leita að: Helga Magga eða Bananabitar.
Endilega láttu mig vita ef þú prófar þessa uppskrift með því að tagga mig á instagram @helgamagga
Comments