Ótrúlega skemmtileg tilbreyting við hafragrautinn, þessi réttur hentar vel í morgunmat eða jafnvel sem eftirréttur.
Þessi uppskrift er unnin í samstarfi við MS - Gott í matinn.
![](https://static.wixstatic.com/media/39feb6_4ed53bb115f6465abb017e3f67e6f454~mv2.jpg/v1/fill/w_980,h_1307,al_c,q_85,usm_0.66_1.00_0.01,enc_auto/39feb6_4ed53bb115f6465abb017e3f67e6f454~mv2.jpg)
Innihald:
1 banani
1 tsk kanill
2 msk akasíuhunang
1 dl haframjöl 35g
150 g grísk jógúrt
nokkur hindber í skraut
Þú byrjar á því að skera banana í bita og steikir bitana á pönnu. Mér finnst betra ef bananinn er orðinn smá þroskaður. Kanillinn settur yfir bananana ásamt hunanginu og þetta hitað á pönnunni í 2-3 mínútur áður en haframjölið er svo sett yfir bananabitana. Þessu er hrært saman á pönnunni og hitað áfram í um 5 mínútur.
Bitarnir eru svo teknir af hitanum og kældir örlítið. Gríska jógúrtin sett í skál og bitunum raðað þar ofan á. Ég notaði frosin hindber sem skraut ofan á, þau þiðna á skammri stund. En þegar þau eru frosin er hægt að mylja þau niður í litla bita og setja yfir skálina til að fá smá lit.
Fullkomin næring að morgni en líka gott í eftirrétt, einnig gott að setja smá auka hunang ofan á skálina.
Endilega láttu mig vita ef þú prufar þessa uppskrift með því að tagga mig á instagram @helgamagga
Comments